áreas
Transición enerxética
A transición enerxética e a descarbonización son os dous piares nos que se basea a loita contra o cambio climático. Inova quere ser parte da transformación axudando aos seus clientes nos seus procesos de implantación dos sistemas enerxéticos do futuro: descarbonizado, descentralizado e dixitalizado.
Perspectiva
Hai varias formas de afrontar o complexo desafío da neutralidade en carbono.
Na propia Inova abordámolo desde diferentes perspectivas. Colaboramos con portos e axentes de todo o mundo para analizar os diferentes combustibles alternativos dispoñibles para o transporte marítimo. Avaliamos e planificamos a implantación de sistemas de subministración eléctrica para buques en porto (OPS).
Traballamos sobre as posibilidades da mobilidade sostible e, máis concretamente, sobre como implantar e xestionar flotas de vehículos eléctricos. Colaboramos con empresas e administracións públicas para mellorar a súa eficiencia enerxética e implantar fontes de enerxía renovables. Aproveitamos as posibilidades da dixitalización para axudar á industria a desenvolver solucións de Enerxía 4.0.
E seguimos niso. O noso enfoque é o da innovación e o noso compromiso é o da loita contra o cambio climático.
Como o facemos?
plans de transición enerxética
Desenvolvemento de estratexias completas de descarbonización con actuacións planificadas.
estudos técnicos
Realización de estudos enerxéticos e análises de viabilidade e rendibilidade para a toma de decisións enerxéticas coas debidas garantías.
dixitalización enerxética
Desenvolvemento e implantación de solucións enerxéticas dixitais a través das cales obter beneficios económicos, ambientais e estratéxicos.
