I+D+I/FEDER/FSE

Unha maneira de facer Europa

Colaboración público-privada para afrontar os retos do futuro

Inova leva anos desenvolvendo proxectos de I+D+i da man de programas públicos como os que propón o Fondo Europeo de Desenvolvemento Rexional (FEDER), o Fondo Social Europeo (FSE), o Plan Next Generation, a Comisión Europea ou a Xunta de Galicia.

SMART LEAN PLATFORM FOR PEOPLE (SLP4P)

A nosa empresa foi unha das beneficiarias da convocatoria Conecta Hubs para a realización de proxectos colaborativos nas áreas estratéxicas dos Hubs de Innovación Dixital, cuxa concesión foi publicada o 18 de outubro de 2021. Dentro desta convocatoria, Inova lidera o consorcio integrado por Meifus Industrial, Xoia Software, TI Automotive e Inova Labs para levar adiante o proxecto Smart Lean Platform 4.0 People (SLP4P).

Dentro da citada convocatoria, o proxecto é subvencionado pola Axencia Galega de Innovación e con cargo aos fondos FEDER para o desenvolvemento rexional, así coma apoiado pola Vicepresidencia Segunda e Consellería de Economía, Empresa e Innovación.

 O proxecto SLP4P pretende acadar o desenvolvemento dunha nova plataforma intelixente capaz de monitorizar procesos industriais, prever a súa evolución e dotar de información e recomendacións específicas para os operarios de ditos procesos, empregando innovadoras tecnoloxías tales como ferramentas de captación de datos, aprendizaxe automático e Realidade Aumentada.

Gain Feder

Desta maneira, os traballos do proxecto dan como resultado un sistema integral de control e soporte intelixente que pode ter un notable impacto sobre a eficiencia, sostenibilidade e calidade da nosa industria, en liña co obxectivo temático 3 do Plan FEDER Galicia 2014-2020, de conseguir un tecido empresarial máis competitivo. 

Dende o inicio do proxecto e ata decembro de 2021, INOVA centrou as súas actividades na esquematización das funcionalidades da plataforma, a especificación técnica de ferramentas de analítica de datos e Intelixencia Artificial e a definición e selección final de conxuntos de datos a emprgar polos motores de Intelixencia Artificial. También arrancou o deseño e desenvolvemento dos sistimas avanzados de Intelixencia Artificial (motores de recomendación).

LNG PROTOTYPE PACK

Inova uniuse a un consorcio xunto con Gabadi, Neo-CH4 Galicia e Vicus dt para o desenvolvemento dun prototipo de tanque de membrana para almacenar Gas Natural Licuado e un sistema de xestión de combustible compacto e seguro que beneficiaría ás navieiras e compañías enerxéticas. 

O noso traballo desenvolveuse en tres áreas:

Gain

1. Avaliar a seguridade no funcionamento do sistema mediante as probas de validación de prototipos.

2. Establecer restricións relacionadas coa seguridade no despregamento da tecnoloxía a maiores escalas (operacións e bunkering).

3. Determinar a viabilidade económica do sistema proposto mediante un estudo de custos e unha comparación da tecnoloxía con outras opcións do mercado.

O proxecto permitiu definir os criterios de seguridade a empregar; desenvolver un funcionamento seguro do sistema definindo os principais riscos e determinando que a instalación do pack resultou rendible, tanto para a naviera como para o provedor, tendo en conta todos os custos necesarios para a produción e a explotación.

CEF SAMUE-LNG FOR A BLUE ATLANTIC ARCH

Inova participou no proxecto a través do Mecanismo Conectar Europa (CEF) para o Transporte da Unión Europea. Foi unha iniciativa internacional colaborativa na que tamén participaron firmas de Xixón e Francia (Nantes – Saint-Nazare; Le Havre e Rouen) que promoveu o uso do gas natural licuado como combustible mariño respectuoso co medio ambiente.

Convocatoria CEF-EU

O obxectivo era despregar o uso deste combustible no Corredor Atlántico mediante a adaptación dun buque en Francia e o desenvolvemento de solucións para subministrar GNL en Vigo e Xixón. Xunto a Ghenova e Suardiaz e a supervisión do Porto de Vigo, Inova participou en dúas áreas de actividade:

  1. O deseño técnico dun dispositivo flotante para subministrar GNL como combustible no Porto de Vigo.
  1. O estudo sobre o potencial de subministración de GNL a un buque Ro-Ro da navieira Suardiaz.

OPS MASTERPLAN FOR SPANISH PORTS

O proxecto OPS Plan Director de Portos Españois busca a elaboración dun Plan Director para a subministración de enerxía eléctrica aos buques durante a súa estadía nos portos españois.

 O proxecto está financiado pola UE e está liderado por Puertos del Estado e agrupa a un consorcio de 13 entidades, tres delas autoridades portuarias.

OPS Master Plan Spanish Ports

A iniciativa enmárcase no Marco Nacional de Acción que España deseñou para cumprir os compromisos comunitarios en relación co desenvolvemento de infraestruturas para a subministración de combustibles alternativos no sector do transporte, en cumprimento da Directiva 2014/94/UE.

O proxecto abrangue o desenvolvemento e implantación de sistemas de subministración eléctrica terrestre (OPS) en tres portos españois de interese xeral: Santa Cruz de Tenerife, Las Palmas de Gran Canaria e Palma de Mallorca e a adaptación de buques para posibilitar a súa conexión á rede xeral. eléctrica.

O proxecto OPS Masterplan for Spanish Ports inclúe a realización de estudos transversais en materia normativa, técnica e ambiental co obxectivo de identificar cales son as posibles barreiras existentes e propoñer as medidas necesarias para implantar as tecnoloxías para levar a bo porto o plan.

FERRAMENTA DE CÁLCULO AVANZADO PARA EFICIENCIA ENERXÉTICA

Da man do Programa Operativo de Crecemento Intelixente 2014-2020 do Fondo Europeo de Desenvolvemento Rexional e do Centro de Desenvolvemento Tecnolóxico Industrial do Ministerio de Industria, Inova desenvolveu unha Ferramenta de Cálculo Avanzada para a Eficiencia Enerxética.

cdti

O obxectivo do proxecto é deseñar e desenvolver un instrumento que permita identificar elementos de mellora e eficiencia na xestión enerxética de áreas comerciais, industrias, estacións de transporte ou portos.

1. Definición da ferramenta, alcance e estudo do mercado potencial nos sectores industrial e comercial e nos ámbitos marítimo-portuarios.

2. Modelizado de instalacións de destino para axudar a definir as estruturas necesarias para atender diferentes tipos de consumidores.

3. Identificación das fontes de datos que precisará a ferramenta para realizar as simulacións e definición das características para a súa implantación.

4. Avaliación comparativa do impacto das solucións e deseño e optimización dun algoritmo para establecer a mellor combinación en relación ao aforro enerxético.

TECHEYE SME INSTRUMENT

O proxecto TechEye propón unha solución de visión artificial dirixida a detectar defectos de fabricación dentro da industria. O obxectivo é facilitar a produción flexible e áxil mediante sistemas de control de calidade baratos baseados na visión artificial e axeitados para todo tipo de tarefas.

SME INSTRUMENTE UE TECHEYE

 

TechEye é unha solución baseada en intelixencia artificial que inclúe maquinaria de imaxe precisa, un sistema de comunicación, un programa de procesamento de imaxes e unha interface web para a visualización de datos.

A solución require un investimento mínimo, pódese trasladar dun punto a outro da liña de produción e pode reciclarse para realizar calquera tarefa de control no proceso de fabricación.

Ademais, TechEye pode funcionar de forma autónoma ou integrada nos sistemas da planta. O proxecto aumenta a calidade e reduce os custos totais no novo entorno da Industria 4.0.

MÁIS INFORMACIÓN SOBRE O PROXECTO TECHEYE, AQUÍ

 

Talento senior

A Axencia Galega de Innovación, dependente da Xunta de Galicia, lanzou no 2019 o programa Talento Sénior. Trátase de axudas para a contratación de personal ás que se acolleu Inova para mellorar os seus perfís de alta cualificación ligados á de I+D+i. A

Talento Senior